सुनसरीमा यात्रुबाहक बस दुर्घटना हुँदा दुई जनाको मृत्यु

१४ जनाको अवस्था गम्भीर ।

सुनसरी, फाल्गुन १६ । सुनसरीको इटहरीस्थित हलगडा चोक नजिकै सवारी दुर्घटना हुँदा दुई जनाको घटनास्थमै मृत्यु भएको छ । मृत्यु हुनेमा बसका कण्डक्टर उदयपुर सुपारीटारका ईश्वर लुइँटेल र धरान नगरपालिका ८ घर भएका सहचालक जयशंकर कोइराला छन् । बसमा सवार अन्य १४ जना गम्भीर घाईते छन् । घाइतेहरुको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको छ । तीब्र गतिमा रहेको बस साईकल यात्रीलाई बचाउने क्रममा दुर्घटनामा परेको प्रहरीले जनाएको छ ।

radioallnepal