काँकडभिट्टा, माघ २० -
विराटनगरका उद्योगी गंगाविसन राठीको अपहरणपछि हत्या भएकोछ। करिब तीन साताअघि व्यापारिक कामको सिलिसिलामा विराटनगरवाट झापाको काँकडभिट्टा हुँदै भारतको सिलिगुढी गएका उनको शव शनिबार बिहान सिलिगुडी प्रहरीले फेला परेकोछ।
सिलिगुडीदेखि करिब १६ किलोमिटर टाढाको सुकुना वनक्षेत्रमा उनको शव फेला परेको सिलिगुडी प्रहरीले पुष्टि गरेको छ । सिलिगुडी प्रहरीले शनिबार साँझ पत्रकार सम्मेलन गरी घटनाको पुष्टि गरेको हो । सिलिगुडी प्रहरीका कमिस्नर आनन्द कुमारले राठीसँगै शिवसेना नेपालका प्रमुख चन्द्रप्रकाश चूडालको समेत शव फेला परेको बताए ।
'दुवै शव क्षतविक्षत र नचिनिने अवस्थामा छन्' कुमारले भने । पत्रकार सम्मेलनमा चूडालको जनवरी ८ मा र राठीको १० तारिखका दिन हत्या गरिएको जनाइएको छ । दुवैको करिव २० दिनअघि हत्या भएको प्रहरीको अनुमान छ ।
पत्रकार सम्मेलनमा कुमारले पक्राउ गरिएका अभियुक्तहरुले राठी र चूडालको हत्या गरी फालिएको शुक्रबार बयान दिएपछि शनिबार बिहानै शव बरामद गरिएको बताएका थिए । उनीहरुले राठीको हत्यापछि परिवारका सदस्यलाई फोन गरी फिरौती रकम मागेको प्रहरीले जनाएको छ ।
प्रहरीले राठीको अपहरणमा संलग्न सुरेन्द्रकुमार मिश्र र अभिजित वासुलाई साताअघि पश्चिम बंगालको बीरवुङ जिल्लास्थित वोलपुर क्षेत्रबाट पक्राउ गरेको थियो । त्यसको भोलिपल्टै मिश्रकी पत्नी मोनिकालाई प्रहरीले नियन्त्रणमा लिएको थियो ।
अपहरणकारीले राठीलाई मुक्त गर्न परिवारसँग ५ करोड भारतीय रुपैयाँ फिरौती माग गरेको सिलिगुडी प्रहरीले जनाएको छ । झापाका प्रहरी प्रमुख एसपी शेरवहादुर बस्नेतले भारतीय प्रहरीसंगको सम्पर्कमा राठी र चूडालको हत्या भएको जानकारी आएको बताए । राठीको उद्दारका लागि डीएसपीको नेतृत्वमा नेपाल प्रहरीको टोली पनि परिचालन गरिएको थियो ।
No comments:
Post a Comment