४८ एचआइभी सङ्क्रमितको मृत्यु

१० फागुन, नेपालगन्ज । 

बाँकेमा अहिलेसम्म ४८ जना एचआइभी सङ्क्रमित बिरामीको मृत्यु भएको तथ्याङ्क सार्वजनिक भएको छ । सामाजिक संस्था इन्प्रोक र मित्र समाजको तथ्याङ्कअनुसार, मृत्यु हुनेमा १७ महिला र ३१ पुरुष रहेका छन् भने जिल्लामा अहिलेसम्म ५ सय ११ जना एचआइभी सङ्क्रमित रहेको पाइएको छ ।

एचआइभीको क्षेत्रमा क्रियाशील डाँक संस्थाका जिल्ला संयोजक विकास शर्माले असुरक्षित यौनसम्पर्क, सङ्क्रमित रगत र शरीरका अङ्गको प्रत्यारोपणका कारण पछिल्लो समय एचआइभी सङ्क्रमितहरु बढ्दै गएको बताउनुभयो ।