छ वर्षीया बालिकामाथि जवरजस्ती गर्ने युवा पक्राउ

महेश्वर चामलिङ राई, उदयपुर, फागुन १२ - बालिकामाथि जवरजस्ती करणी गर्न खोज्ने यहाँका एक युवा रंगेहात पक्राउ परेका छन्। जिल्लाको जोगीदह ३ का स्थानीय दयाराम चौधरी सोही ठाउँकी सुन्तली चौधरी (नाम परिवर्तन) माथि जवरजस्ती गर्दै गरेको अवस्थामा रंगेहात फेला पारेर पक्राउ गरी प्रहरीलाई बुझाएका छन्।

छ वर्षीया बालिकालाई स्थानीय सामुदायिक वन उपभोक्ता समूहको जंगलमा बिहीबार दिउसो घाँस दाउरा गएको मौका पारी ललाई फकाई गर्दा नमानेपछि जवरजस्ती गर्न खोजिरहेका बेला गाउँलेले देखेर नियन्त्रणमा लिएर स्थानीय प्रहरी चौकीमा बुझाएको प्रहरीले जनाएको छ। शुक्रबार विहान जिल्ला प्रहरी कार्यालय ल्याइएको ३० वर्षीय उनीविरुद्ध तत्कालै अदालतमा मुद्धा दायर गरी अनुसन्धान अघि बढाइएको जिल्ला प्रहरी निरीक्षक श्रीकृष्ण पौडेलले बताए।

बालिकालाई जिल्ला अस्पताल उदयपुरमा उपपचारपछि घर पठाइसकिएको प्रहरीले जनाएको छ। उनको स्वास्थय स्थिति सामान्य रहे्को पौडेलले बताएका छन्।