तरकारी खेतिले डोकोबाट चिल्लो कारमा

प्रेम सुनार, गुल्मी जेठ ९ -

आज भन्दा १७ वर्ष अघि सम्म डोकोमा तरकारी, मिस्टीनमा दुध बोकेर वलेटक्सार सम्म बेच्न हिड्ने त्यसै हर्दिनेटा गाविस वडा नम्वर ३ कालिका नगरका बेदप्रसाद पन्थ अहिले चिल्लो कारमा चढेर हिड्छन् । ४५ वर्ष उमेरका पन्थले भने ‘कुनै दिन वसमा तरकारी लैजाने उपाय नभएर डोकोमा बोकेर बेच्न हिड्थे अहिले आफ्नै कारमा गुडिरहेको छु । तरकारी डोकोमा बोकेर हिडिएन कि, भैसीको गोठाल्याई गरिएन कि दुईचार हजार ऋण माग्न जाँदा साहुको नमिठो बचन सुनिएन कि ’पन्थले विगतको आफ्नो गरिवी स्मराण गर्दै भने ‘आज यो मेरो सफलताको जग तरकारी खेती नै हो । ’ तरकारी खेतीको आम्दानीले गाडी हालें , दुई तिनवटा गाडी थपिए । एउटा गाडी दुर्घटनामा क्षति ग्रस्त बन्यो तर पनि हरेस खाईन । गाडीसंगै फर्निचरको काम पनि सुरु गरे ’पन्थले भने ‘जुन ब्यवसाय गरेपनि तरकारीखेतीको आम्दानी म कहिल्लै विर्सन सक्दीँन ।’ गाउँघरको विचमा आधुनिक शैलिको पक्की घर, छतमा पार्किङ्ग गरिएको निजी चिल्लो कार । घरको भुई तलाको तलपट्टि २० हजार लिटरको पानी टयाँकी, सवै कोठाहरु अट्याच वाधरुम सहित, कम्पाउण्ड वरीपरी सुन्दर बगैचा, घरको पुरै बातबरण राजधानीको सभ्रान्त परिवार सरह बनाएका पन्थ पैसा कमायो कि शहर वसाई गर्नेहरुलाई गाउँ मै पनि सवै सुविधा हुन्छ भन्ने उदाहरण दिन चाहेको बताउँ छन् । हार्दिनेटाको ७ हेक्टरमा सुन्तलाको बेर्ना रोप्ने काम सुरु भएको छ ’ सो कार्यालयका बागबानी अधिकृत फटिकबहादुर थापाले भने एकैचो टी होईन विस्तारै त्यहाँ सुन्तला खेती फैलाउँदै जाने योजना बनाएका छौं । ’ ‘म आफ्नो गाउँको पहिचान मेटाउन चाहन्न यहि सुन फल्छ , यहि सवै सुविधा उपलब्ध हुन्छन् । शहरमा गएर आफ्नो माटो, आफ्नो हावा पानी कल्पेर पछुताउने मानिसहरु धेरै छन् पन्थले भने यो भन्दा बढि कमाए पनि म कुनै ठुलो शहर जान्न बरु त्यहाँको भन्दा सुविधा सम्पन्न वसाई बस्न चाहन्छु । ’ उनले स्थानिय विद्यालय, दिनदुःखीको सेवामा लाग्ने र राजनैतिक दलको कार्यकर्ता नवन्ने बताए । ‘कुनै एउटा दलको शुभेच्छुक हुनु स्वभाविक हो ’उनले भने ‘समाज सेवा र आर्थिक उपार्जनमा साझा सोच नभए काम छैन ।’ उनि सहित तरकारी र सुन्तला खेतीबाट हर्दिनेटाका मानिसहरुको जिवन शैली बदलिएको छ । एउटा सामन्य कृषक स्वर्गिय खिमानन्दका छोरा वेदप्रसाद अहिले त्यस गाउँका कराड पति मात्र छैनन् सवैले आदर गर्ने प्रतिष्ठीत ब्याक्ति समेत बनेका छन् । उनका छोरा लक्ष्मण र छोरी भावनालाई उनले लन्डनमा उच्च शिक्षा पढाउन समेत पठाएका छन् ।