त्रिशुलीमा वेपत्ता लिजाको पनि शव भेटियो

काठमाडौं : कुरिनटार नजिक त्रिशुली नदीमा पौडी खेल्दा खेल्दै डुबेर बेपत्ता भएका मध्ये लिजा रेग्कीको शव पनि भेटिएको छ । प्रहरीले खोजी गर्ने क्रममा त्रिवेणी नजिक नदी किनारमा उनको शव भेटिएको प्रहरीले जनाएको छ ।

लिजाका काका कमल रेग्मीले शव पहिचान गरी शनिबार राति अन्तिम संस्कार गरिसकिएको बताए । उनले धर्तीआवाज अनलाइनसँग भने– हिजै मोनिकाको पनि देवघाटमा अन्तिम संस्कार गरियो ।

गत असार १ गते त्रिशुलीमा बेपत्ता हुनेमा लिजा, मोनिका, रजनी, अस्मिता र जनक राउत बेपत्ता भएका थिए । त्यसमध्ये केही दिनअघि मोनिकाको शव भेटिएको थियो । अन्य तीनजना अझै बेपत्ता छन् ।