पौडी खेल्दा तीन बालकको डुबेर मृत्यु

काठमाडौं : बाढी आएको खोलामा पौडी खेल्दा शनिबार राजधानीमा तीन बालकको डुबेर मृत्यु भएको छ । प्रहरीका अनुसार धोबीखोलमा पौडी खेल्दाखेल्दै सिन्धुली स्थायी घर भई मैजुबहाल बस्ने ६ वर्षीय लोकबहादुर बिक र गंगाहिटी बस्ने ५ वर्षीय नवीन विकको मृत्यु भएको हो । खोलाबाट बाहिर निकाली ओम अस्पताल लगिएका ।उनीहरूको उपचारकै क्रममा मृत्यु भएको हो ।

यसैगरी गुह्येश्वरीनजिक बागमती खोलामा पौडी खेल्दा सर्लाही घर भई पिंगलास्थान बस्ने १२ वर्षीय प्रसन्न थापाको मृत्यु भएको प्रहरीले जनाएको छ