एकै दिन दुई जना बलात्कृत

फागुन १२ । म्याग्दीमा एकै दिन दुई जना बलात्कृत भएका छन् । बलात्कृत हुनेमा एक जना बालिका छन् भने अर्की युवती हुन् । चिमखोला घर भई हाल अर्थुङगे गणेश टोल डेरा गरी बस्दै आएका १४ वर्षीय रुपेश परियारले शुक्रबार स्थानीय चार वर्षीया बालिका ममता अधिकारी (नाम परिवर्तन) लाई बलात्कार गरेको प्रहरीले जनाएको छ । ममतलाई बलात्कार गरेको अभियोगमा रुपेशलाई प्रहरीले नियन्त्रणमा लिएको छ ।

त्यसै गरी, ज्यामरुकोट–७ बस्ने १७ वार्षीया सरिता सार्की (नाम परिवर्तन) पनि बलात्कृत भएकी छन् । उनलाई स्थानीय ४० वर्षीय झलकबहादुर घिमिरेले शुक्रबार बलात्कार गरेका हुन् । उनले सरितालाई बारीमा लगेर बलत्कार गरेको प्रहरीले जनाएको छ । प्रहरीले बलात्कार कार्यमा संलग्न झलकबहादुरलाई पनि नियन्त्रणमा लिएको छ ।