मलेसियामा भएको रामदत्त पन्त हत्याकाण्डमा मेनपावर कम्पनी संलग्न भएको आरोप

काठमाडौं, फागुन १५-वैदेशिक रोजगारीको सिलसिलामा मलेसियामा कार्यरत रामदत्त पन्तको केही साता अघि भएको हत्याको छानबिन गरी संलग्न अपराधीलाई कारबाही तथा क्षतिपूर्तिको माग आफन्तले गरेका छन्। उनको गत माघ २४ गते हत्या भई यही फागुन ११ गते शव नेपाल ल्याइएको थियो।

कञ्चनपुर जिल्लाका पिपलाडी-९ गर्जमणिका ३६ वर्षीय पन्त विसं २०६८ असोजमा मलेसियाको जोरवार भन्ने स्थानमा कार्यरत थिए।

सुन्धरास्थित 'इन्पि्कनीटी रिक्रुइटमेण्ट' नामक मेनपावर कम्पनीका सञ्चालक उज्वलसिंह धामीलाई

रु एकलाख बुझाएर २०६८ असोजमा मलेसियाको जोरवार भन्ने स्थानमा गएको र भनेजस्तो काम र तोकिएको रकम उपलब्ध नगराइएको बताइएको छ।

मृतकका भाई नवराज पन्तले विदेश गएका दाजुसँग आफ्नो बराबर कुरा हुँदा दाजुले स्वदेश फर्काउन अनुरोध गरेपछि सम्बन्धित मेनपावर कम्पनीका सञ्चालक धामीसँग सोही वर्षको मङ्सिर २६गते रु एकलाख र दाजुलाई फिर्ता गर्ने सम्झौता भएको बताए।

उनले सो हत्यापछि मेनपावर कम्पनीका सञ्चालक धामी सम्पर्कमा नरहेको उल्लेख गर्दै वैदेशिक रोजगार विभागलाई आवश्यक क्षतिपूर्तिको व्यवस्थापन गरिदिन आग्रह गरे।
radioallnepal