९ फागुन, काठमाण्डौं ।
नेपाल विद्युत प्राधिकरणले कालीगण्डकी ‘ए’ जलविद्युत केन्द्रको विद्युतगृह ८ दिन पूर्णरुपमा बन्द गर्ने भएको छ । ‘मेन इनलेट भल्ब’मा समस्या देखिएपछि मर्मतका लागि विद्युत गृह बन्द गरिने भएको हो ।
‘मेन इनलेट भल्ब’ मर्मत गर्न प्राधिकरणले आगामी फागुन १८ गतेदेखि विद्युतगृह बन्द गर्ने तयारी गरेको छ । विद्युतगृह गत बर्षनै मर्मत गर्न केन्द्रका इन्जिनियरहरुले सुझाव दिएका थिए र बढ्दो लोडसेडिङलाई मध्यनजर गर्दै मर्मत नगरिएको आयोजनाकै इन्जिनियरहरुले बताएका छन् ।
उक्त आयोजना बन्द हुँदा लोडसेडिङ भने बढ्ने विद्युत व्यापार विभागका निर्देशकसमेत रहेका प्रवक्ता शेरसिंह भाटले बताउनुभयो । उहाँले भन्नुभयो-’उक्त आयोजना बन्द हुँदा थप चार घण्टासम्म लोडसेडिङ थपिन सक्छ ।’ उचित संरक्षणको अभावमा १ सय ४४ मेगावाटको उक्त आयोजनाले अहिले ५५ मेगावाट मात्र विद्युत उत्पादन भइरहेको खबर नेपाल समाचारपत्रले छापेको छ ।
No comments:
Post a Comment