ब्लड क्यान्सरको उपचार गराईरहेका खरालको उपचारका लागी सहयोग जारी

सँगिता कुवँर, गुल्मी बैशाख १४ -

व्लड क्यान्सरले थलिएर उपचार गराईरहेका गुल्मी अर्लाङकोट गाविस वार्ड नम्बर ६ दानसिहं निबासी लालमणी खरालका छोरा नितेश खरालको उपचारका लागी आर्थिक सहयोग सकंलन भईरहेको छ । बिगत २७ महिना देखि ब्लड क्यान्सरले थलिएर उपचार गराईरहेका उनको उपचार खर्च जुटाउन गठन भएको नितेश खराल बचाउ अभियान समितिले अहिले देश बिदेशबाट सहयोग सकंलन गरिरहेको छ । सोही क्रममा हरी नारायण सापकोटा, झविन्द्र खरेल र गोविन्द पाण्डेको अगुवाईमा अमेरीका निबासी गुल्मीलेहरुको संस्था गुल्मी विश्व समाज नेपाल तथा अन्य प्रवासीहरुको सहयोगमा २ लाख ५ हजार चन्दा सकंलन गरि परिवारलाई प्रदान अर्लाङकोट हाम्रा संवाददाता बुद्धिमणी खरेलले जानकारी दिनुभयो । उपचार खर्च ठुलो भएको र परिवारको आर्थिक अवस्था कमजोर रहेकोले नितेशको उपचारको लागी चारैतर्फबाट सहयोग रकम सकंलन भईरहेको छ । सहयोग सकंलनमा सञ्चार माध्यमको क्षेत्रबाट सामुदायिक रेडियो स्काई लगाएतका अन्य संचार माध्यमले प्रचार प्रसार गरी सहयोग पु¥याएको भन्दै परिवारले धन्यवाद ज्ञापन गरेको जनाएको छ । नितेशको काठमाण्डौको कान्तिबाल अस्पतालमा उपचार भईरहेको छ ।