बर्दियामा जन्ती बस दुर्घटना, १ को मृत्यु

८ फागुन, बर्दिया । बर्दियाको गुलरियामा जन्ती बोकेको बस दुर्घटना हुँदा १ जनाको मृत्यु भएको छ भने १ दर्जन बढी घाइते भएका छन् । मृत्यु हुनेमा मोतिपुर-७, का जगतबहादुर चौधरी रहेका छन् ।

करिव १ सय जन्ती बोकेको ना ३ ख ६२३० नम्बरको बस कल्भर्टमा ठोक्किएर दुर्घटना भएको प्रहरीले जनाएको छ । बस कल्भर्टमा ठोक्किएर नालीमा खसेको प्रहरी प्रमुख सुरेशविक्रम शाहले जानकारी दिनुभयो । बसमा क्षमता भन्दा यात्रु भएका कारण दुर्घटना भएको हुन सक्ने प्रहरीले अनुमान गरेको छ ।

बसका चालक भने फरार रहेका छन् । घाईतेमध्ये ४ जनालाई नेपालगञ्ज रिफर गरिएको छ भने अन्यलाई जिल्ला अस्पताल गुलरियामा उपचार भइरहेको छ ।