सुर्खेत, माघ २४ -
बदलीसँगै चट्याङ लागेर भेरी अञ्चलका सुर्खेत, बर्दिया र जाजरकोटमा गरी तीनको मृत्यु भएको छ । दुई जना घाइते भएका छन् । सल्यानमा एउटा घरमा चट्याङ पर्दा क्षति पुग्नुको साथै महिला गम्भीर घाइते छिन् । सुर्खेतको गर्पन ३ मा बुधबार बिहान साढे दुई बजे परेको चट्याङमा ८ वषर्ीया अस्मिता थापाको मृत्यु भएको छ । २ जना घाइते भएका छन् । चन्द्रबहादुर थापाको घरमा परेको चट्याङले उनकी पत्नी गीता र छोरी रूपमा घाइते भएको जिल्ला प्रहरी नायब उपरीक्षक विनोद घिमिरेले बताए । उनले चट्याङमा परी बेहोस अवस्थामा रहेका दुवैलाई उपचारार्थ वीरेन्द्रनगर ल्याएको बताए । जाजरकोट संवाददाताका अनुसार गाईभैंसी चराएर घर र्फकंदै गरेका युवाको मंगलबार अपराह्न परेको चटयाङमा परेर मृत्यु भएको छ । जाजरकोटको पश्चिम भेगस्थित दसेरा १ का ३६ वषर्ीय मानबहादुर शाही पानी पर्न थालेपछि जंगलबाट गाईभैंसी फर्काएर घरतिर आउँदै गरेकामा मृत्यु भएको हो । त्यस्तै, गुलरिया संवाददाताका अनुसार, चट्याङ परेर बाँके ओडरापुर २ का ४० वषर्ीय नरबहादुर बुढाको मृत्यु भएको छ । बुढा घाँस काट्न सीमावर्ती बर्दियाको मानझुन्डी जंगलमा आएका बेला मंगलबार चट्याङ लागेको थियो । उनको शव बुधबार बिहान फेला परेको प्रहरीले जनाएको छ । यसैगरी बाजुरा संवाददाताका अनुसार मंगलबार राति घरमा चट्याङ पर्दा विद्युत् सट भएपछि काँडा गाविस ७ गोठपाडाका २८ वषर्ीया किडी रोकाया र १५ वषर्ीय भीमबहादुर रोकायाको घटनास्थलमै मृत्यु भएको स्थानीयवासी रमेश रोकायाले जनाए । अन्य ६ जना घाइते भएका छन् । घाइते हुनेमा सोही गाउँका लालबहादुर रोकाया, शंकर बुढा, धन रोकाया, भाना रोकाया, बुद्धि रोकाया र बुँदे रोकाया छन् । उनीहरूको काँडा स्वास्थ्य चौकीका उपचार भइरहेको छ ।
No comments:
Post a Comment