रूकुममा पहिरो जाँदा पुरिएर १ को मृत्यु ३ जना घाइते

रुकुम, श्रावण १२, रुकुम जिल्लाको सिस्ने गाविस ४ भट्टेचौरमा शुक्रबार राती पहिरो गएको छ । यस पहिरोमा परी एक जनाको मृत्यु भएको बताइएको छ । यस घटनामा अन्य ३ जना मानिसहरू घाइते भएको बताइएको छ । 

यस घटनामा मृत्यु हुने तथा घाइते हुनेहरूको पहिचान हुन सकेको छैन । पहिरोका कारण यस क्षेत्रका एक दर्जन भन्दा बढि घरहरु जोखिम परेको बताइएको छ । अहिले स्थानीयबासीहरू उद्धार कार्यमा लागेका छन ।

शुक्रबार रातभरीनै गएको पहिरोको जानकारी शनिबार दिउँसो मात्र प्रहरीले थाहा पाएको बताइएको छ । शनिबार दिउसोसम्म पनि पहिरो नरोकिएको बताइएको छ ।

इलाका प्रहरी कार्यालयको एक प्रहरी टोली घटनास्थलतर्फ गैसकेको जिप्रका रुकुमले जानकारी दिएको छ । यो घटनास्थल रूकुम सदरमुकाम खलंगाबाट ३ दिनको पैदल दूरीमा पर्ने प्रहरीले जनाएको छ ।